पुष्पराज जोशी, डोटी, वैशाख २८- चट्याङ पर्दा बिहीबार विहान डोटीमा एकै परिवारका ६ जना घाइते भएका छन्। डोटीको खिर्सेन गाविस ९ फुलौटका नर बहादुर विकको घरमा बिहीबार विहान चट्याङ परेको थियो।

चट्याङबाट ४८ वर्षीय नर बहादुर विक, उनकी ३९ वर्षीया श्रीमती जयन्ती विक, १४ वर्षीया छोरी डम्मरी विक र छोराहरु १० वर्षीय विक्रम, ६ वर्षीय रोशन र ३ वर्षीय दिपक घाइते भएका छन्। घाइते सवैलाई जिल्ला अस्पताल सिलगढीमा उपचारका लागि बिहीबार दिउसो ल्याइएको छ। सवैजना घर भित्र बसिरहेको समयमा चट्याङ परेको थियो।