केही साताअघि मात्र लगनगाँठो कँसेर हनिमुनमा रमाईरहेकी पूर्व मिस नेपाल माल्भिका सुब्बालाई उनका पुरुष फ्यानले सताएपछि आक्रोशित भएकी छिन् ।
हनिमुनकै बिषयलाई लिएर उनका फ्यानहरुले फेसबुकमा पठाएका अश्लिल म्यासेज र कमेन्ट देखेपछि माल्भिकाको पारो चढेको छ यतिखेर । आफ्नो निजी जीवनमा फ्यानहरुले हद नाघेर टिप्पणी गरिरहेको महसुस गरेपछि सुब्बाले फेसबुकबाटै आक्रोश पोखिन् ।

‘हरेक कुराको हद हुन्छ । अर्काको निजी जिवनमा कमेन्ट गर्ने पनि एउटा हद हुन्छ ।’ सुब्बाले बिहिवार फेसबुक पेजमा लेखिन-’ यस्ता धेरै लोग्ने मान्छे हुनुहुन्छ, जसले मलाइ यस्ता म्यासेज धेरै पठाउनुभयो, पेजमा मुख छाड्नु भयो, म चुप लागेर वसें अव पुग्यो ।’ उनले एकजना फ्यानले गरेको कमेन्टलाई प्रतिनिधि कमेन्टका रुपमा पेश गरेकी छिन् । ज भन्दै माल्भिकाले एकजना पुरुषले पठाएको म्यासेस समेत लेखेकी छिन् ।
एक फ्यानले उनलाई लेखेछन- ‘माल्भिका जी, सुहागरात कस्तो भयो त, ववाल भयो होला नी हैन, । दुलहाले निदाउन त दिएनन् होला, अमेरीकादेखि आएका नेपाल माल खोज्दै हा.हा.हा ।’ यसरी कमेन्ट गर्ने वा म्यासेज पठाउने उनका पुरुष फ्यान यी एउटामात्र हैनन भन्ने कुरा उनको लेखाईले प्रष्ट हुन्छ । बिहे सुहागरातकै दिनदेखि यसरी सताउन थालेपछि माल्भिकाको पनि के लागोस् र ? आक्रोश पोखिन फेसबुकबाटै ।

बिहे गरेपछि सुहागरात त सवैले मनाउँछन् । आखिर यस्तो बिषयमा म्यासेज पठाएर, कमेन्ट लेखेर किन मनोरञ्जन लिन्छन पुरुष फ्यानहरु भन्नेमा उनको आक्रोश छ ।