काठमाडौं, जेष्ठ १८ - एमाले केन्द्रीय सदस्य राजेन्द्र श्रेष्ठले एमाले परित्याग गरेको विज्ञप्ती नक्कली भएको बताएका छन् ।

आफूले राजीनामा दिनेबारे सोच नबनाएको उल्लेख गर्दै उनले सामाजिक सञ्जाल र केही अनलाइनमा समाचार प्रकाशित भएकोमा आपत्ति जनाए ।

एमालेको कदमले ६ दशक लामो संघर्षबाट प्राप्त संविधानसभा विघटन भएको आरोप लगाउँदै श्रेष्ठले अध्यक्ष झलनाथ खनालसमक्ष राजीनामा बुझाएको पत्र सामाजिक सञ्चालमा राखिएको थियो । श्रेष्ठ खनाल निकट मान्छिन् ।

एमाले प्रचार सचिव सूर्य थापाले पार्टी कमजोर भएको हेर्न चाहनेहरुले जबरजस्त कुप्रचार सुरु गरेको भन्दै आपत्ति प्रकट गरे ।