काठमाडौं, जेठ २२ - वाईस बर्ष मुनिको एएफसी च्याम्पियनशिप २०१३ को छनौट चरणका खेल असार २ गतेदेखि हुने भएका छन् । जेठ २० गतेदेखि शुरु हुने भनिएका खेल राजनीतिक अस्थिरताका कारण अनिश्चितकालका लागि स्थगित गरिएको थियो । प्रतियोगिताका समुह घ का खेलहरु असार २ गतेदेखि १० गतेसम्म काठमाडौंमा हुने अखिल नेपाल फुटबल संघ एन्फाले सोमवार जनाएको छ ।

प्रतियोगितामा नेपालसहित बंगलादेश, जोर्डन, यमन र उज्वेकिस्तानको सहभागिता रहनेछ ।  प्रतियोगितामा दैनिक २ खेल संचालन गरीने भन्दै एन्फाले पहिलो खेल ३:३० बजे र दोश्रो खेल बेलुकी ६:३० बजे संचालन गर्ने जानकारी पनि दिएको छ ।