अन्ततः फिल्म एजेन्ट विनोदमा अनुमति बिना पूरानो गीतको संगीत चोरी गरिएको काण्डमा दोषी ठहर भएपछि यसमा निर्माता तथा अभिनेता सैफ अली खानले जरिवाना तिर्नुपरेको छ ।

हालै रिलिज भएको जासुसी थि्रलर फिल्म एजेन्ट विनोदमा विभिन्न पूराना गीतका ट्रयाकहरु विना अनुमति प्रयोग गरिएको थियो ।

यो फिल्ममा चोरीको आरोप लागेका मुख्य तीन गितमा आसमान पे है खुदा, मेरी जान मैने कहा र रकम्मा रहेका छन् ।

आसमान बोलको गीत रमेश सैगलको फिल्म फिर सुबास होगीबाट, मेरी जान बोलको गित रमेश बेहलको फिल्म दी ट्रेनबाट तथा रकम्मा बोलको गीत मनी रत्नमको फिल्म थलापथीबाट चोरी गरिएको खुलेको छ ।

संगीत चोरीबापत सैफले कति नगद जरिवाना तिर्नुपर्नेहो त्यो भने टुंगो लागिसकेको छैन । एजेन्ट विनोदका निर्देशक श्रीराम राघवनले संगीत कपी गर्दा अनुमति लिनुपर्ने बारेमा आफुले सैफलाई पहिले नै भनेको भएपनि उनले नमानेको बताएका छन् ।